8 may 2023-cü il tarixində Ulu Öndər Heydər Əliyevin 100 illik yubileyinə həsr olunmuş “Qarabağ atları” adlı möhtəşəm sərgi baş tutdu. Sərgidə iştirak edən yerli və xarici qonaqlar, eləcə də dövlət nümayəndələri Qarabağ atlarının nadir gözəlliyinə və zərifliyinə heyran olduqlarını bildiriblər. Tədbir çərçivəsində “F-Holding” MMC-nin nümayəndələri şirkətin Qarabağ atçılıq zavodu ilə mövcud əməkdaşlığını daha da genişləndirmək niyyətini açıqlayıb. Birgə əməkdaşlıq müqaviləsinə əsasən, Qarabağ atlarının genetik inkişafı, mühafizəsi və beynəlxalq səviyyədə tanıdılması istiqamətində bütün zəruri addımların atılacağı xüsusi vurğulanıb. Eyni zamanda, növbəti illərdə Qarabağ atlarına həsr olunmuş sərgilərin Avropanın müxtəlif ölkələrində keçirilməsi planlaşdırıldığı da tədbir iştirakçılarına təqdim olunub. Sərgi Azərbaycanın mədəni irsinin və Qarabağ atçılıq ənənələrinin təbliği baxımından mühüm əhəmiyyət daşıyır.
